हेरैलs समान | Angika Kavita | अंगिका कविता | अरूण कुमार पासवान | Heralow Saman | Angika Poetry | Arun Kumar Paswan

 

हेरैलs समान| अंगिका कविता | अरूण कुमार पासवान

Heralow Saman | Angika Poetry | Arun Kumar Paswan

खोजतँ-खोजतँ भेलौं हरबा हरान,

काँहूँ नञ मिललs हेरैलs  समान,

है रात अन्हरिया लम्बा बड्डी भेलs,

नञ जानौं कखनी होतs  बिहान!

 घरँ खोजलाँ,बहारs मँ  खोजलौं,

 सब कुटुम-परिबारs मँ खोजलौं,

 काँहूँ पूछलाँ कोय नञ बतैलकs,

 सोची-सोची हम्मँ भेलौं हलकान!

 बस्ती खोजलौं,बजाड़ो खोजलाँ,

 लद्दी-पोखर, पहाड़ो त' खोजलाँ,

 धरती मँ धँसलै कि सरंगँ खैलकै,

 की भै गेलै कहाँ घुसियैलै नदान?

 टकटक हमरो मुँय  नञ लिहारs,

 सब नँ आपनs मनs मँ बिचारs,

 हमरs कोय टकसाल नञ हेरैलै,

 हम्मँ त' खोजी रैल्हs छी इंसान!

खोजतँ-खोजतँ भेलौं हरबा-हरान,

काँहूँ  नञ मिललs हेरैलs समान!

               अरुण कुमार पासवान

                  13 जुलाई 2020

हेरैलs समान| अंगिका कविता | अरूण कुमार पासवान

Heralow Saman | Angika Poetry | Arun Kumar Paswan