Angika Kavita | अंगिका कविता
दू पाट के बीचो में | Doo Paat ke Beechow Mein
अरूण कुमार पासवान | Arun Kumar Paswan
तोरो कोठी में अन्न होथौं,ते मन तोरो मगन होथौं।
रामायण,महाभारत के,लागलो तोरा लगन होथौं।
होकरो बारे में भी सोचो,जे दू पाट के बीचो में छै।
एक ओर रोग ते दोसरो ओर भूख,ऊ बीचो में छै।
जमा होय जाय छै देखथैं-देखथैं दस-बीस हज़ार।
बान्द्रा,कल्याण,दादर,सूरत रहे,चाहे आनंदविहार।
जे जहाँ फसलो छै,वाहीं रही ले कैन्हें नै तैयार छै?
काम बंद,कमाय खतम,मतर खाना के दरकार छै।
अफ़वाह के चारो ओर गरम होय रैल्हो बाजार छै।
ढेर दूर समांग भी ते,करी रैल्हो होकरो इंतज़ार छै।
कोय कुछ कही छै ते कोय बताय छै कोय कारण!
मतर हम्में ते एतने कैभौं,कि भेलो काल सवार छै!
अरुण कुमार पासवान
ग्रेनो,14 अप्रैल,2020
No comments:
Post a Comment