Angika Kavita | अंगिका कविता
होली रो उमंग |Holi Ro Umang
अरूण कुमार पासवान | Arun Kumar Paswan
साल भरी बाद है होली रो उमंग,
सबकुछ भूली के करै के हुड़दंग,
धिया-पुता जौं भाग-दौड़ करथौं,
खेले-कूदे दिहो होय नै जैहो तंग।
रंग खेली के उत्साह मनाबे दिहो,
प्रेम-पूर्वक तों अबीर लगाबे दिहो,
परबे बहाना ते होय छौं भेंट-घाँट,
खत्म होय रेल्हो छौं पुरनका ढंग।
है मतर ध्यान रहे रंग बस रंग रहे,
होली खेलै के ठीकठाक ढंग हुए,
पिचकारी सँ बस प्रेम-रंग निकले,
प्रेम बढ़े,दूरी मिटे कायम रहे संग।
हरदम आबै छौं गाँव घरो के याद,
शहरों में कहाँ छी हौ रंग आज़ाद!
टोलो-समाजो,इलाका के हौ स्नेह,
मन मचलै छै याद करल्है के संग।
अरुण कुमार पासवान,
दिल्ली-हैदराबाद फ्लाइट
01 मार्च,2020 ई.
No comments:
Post a Comment