Search Angika Kavita Sahitya

Tuesday, September 22, 2020

बेचारी लड़की | Angika Kavita | Bechari Ladkee | अंगिका कविता | by अरूण कुमार पासवान | Arun Kumar Paswan

 

Angika Kavita | अंगिका कविता
बेचारी लड़की |  Bechari Ladkee
by अरूण कुमार पासवान  | Arun Kumar Paswan


अलग-अलग अखाड़ा सब रs,
कोय नै चलैवाला केकरे साथ!
केकरा कोंनची बोललs जाय!
लंका मँ सब कोय नौ-नौ हाथ!

केकरो सोच सामाजिक नै छौं!
खाली टोपी प' लागलs आँख!
ऊपर चिकनs-चाक मतर कि,
भीतर खीरा-रंग छै तीन फाँक!

गजबे बुझाय छौं है ठो बारात!
लोकनिया नै समधी,दुल्हे सब;
पाँच दफा बजना बराती साथँ!
सब रs सब,एकसँ-एक बेढब!

आय-माय हाँसी रैल्ही तरे-तर!
एक बिहा मँ कैसँ क' हेत्त' बर!
है हाल रेल्है त' बेचारी लड़की!
कुमारिये बैठी जेतै जीवन भर!

कोय्यो त' आगू बढ़ी क' आबै!
कोय्यो त' बढ़िया सँ समझाबै!
कि मिली-जुली क' सब सिनीं,
बस एक्के टा क' दूल्हा बनाबै!

घरँs मँ फाँट जखनी भै जाय!
पंचपुत्ती माय भै जाय अनाथ!
केकरा की बुझाब' कौनँ यहाँ?
लंका मँ सबकोय नौ-नौ हाथ!
         अरुण कुमार पासवान
           21 सितंबर,2020 

Angika Kavita | अंगिका कविता
बेचारी लड़की |  Bechari Ladkee
by अरूण कुमार पासवान  | Arun Kumar Paswan

No comments:

Post a Comment

Search Angika Kavita Sahitya

Carousel Display

अंगिकाकविता

वेब प नवीनतम व प्राचीनतम अंगिका कविता के वृहत संग्रह

A Collection of latest and oldest Angika Language Poetries , Kavita on the web




Search Angika Kavita Sahitya

संपर्क सूत्र

Name

Email *

Message *