मन करै छै...| अंगिका कविता | अरूण कुमार पासवानMan Karai Chhai... | Angika Kavita | Arun Kumar Paswan
मsन करै छै जियै रs,'बचलs-जिनगी'पियै रs!
सब भाँगलs कपड़ा-लत्ता,खोजी क' सियै रs!
पते नै छेलै हैकरs मोल,घूरतँ रैल्हाँ गोल-गोल,
है ऐन्हों आरो हौ वैन्हों, करत' रैल्हाँ तोल-मोल,
की-की खोजै छेलौं, मिललs बस ओल-परोल,
आय तलक भटकी क',हम्मँ त' भेलौं बकलोल!
आपनँ बस किरपा करs, सूय्या-तागs दियै रs!
मsन करै छै जियै रs, बचलs जिनगी पियै रs!
कत्त' औगल आपनs देस, देसs मँ बात बिशेष,
जत्त' सुबिधा मिल' तैयो,परदेस त' होलै परदेस!
गाँव-घरs सँ गेलौं दूर,केकरs की लगैबs ढेंस?
गामs-घरs रs भी त', कतना बदली गेलै भेस!
घूरी क' ऐलs छी,किरपा करs जोड़ी लियै रs!
मsन करै छै जियै रs,बचलs जिनगी पियै रs!
अरुण कुमार पासवान
04 अगस्त,2020
No comments:
Post a Comment