देसिये उपचार! | अंगिका कविता | अरूण कुमार पासवानDesiaye Upchar | Angika Poetry | Arun Kumar Paswan
नया रोगs रs दिक्कत यह' एक,
कोय दवा नै,तैयो दवा छै अनेक!
कोय कह' गरम पानी पीयs खूब,
कोय कह गरम खा, करी क' हूब!
देसी डॉक्टरs रs भेल्हों भरमार,
वाट्सप खोलथैं हाज़िर रैथौं चार!
कोय मतर नै देथौं कथू रs गरंटी,
बजैत' रहs ताली-थाली,कि घंटी!
मतर उपाय की,समसिया अजीब!
अजमैत' रहs तों आपनs नसीब!
कसरत करत' रहs,रहs तंदुरुस्त,
तों रैभ' मजगूत त' रोग भेतै सुस्त!
मतर याद राखो,जौं पड़ी जा बेमार,
इलाज नै मिल्हौं त' देसिये उपचार!
खा हरदी,तुलसी,लौंग, सोंठ,लसून,
दालचीनी,मरीच,जें गरम कर' खून!
आ नेमो भी होय छौं बड़ा मददगार,
याद सँ घरs म' सदा राखs दू-चार!
तरीका सँ सब चीज हुअ' इस्तेमाल,
परभु किरपा सँ सब रहs खुशहाल!
अरुण कुमार पासवान
24 जुलाई,2020
No comments:
Post a Comment