Angika Kavita | अंगिका कविता
जुगाड़ गाड़ी | Jugad Gadi
अंजनी कुमार शर्मा| Anjani Kumar Sharma
हम्में छिकए जुगाड़ गाड़ी
तोरे लेली सड़को पे छिए खाड़ी
धिया-पूता,पर-परिवार संग जों
अजगैवी धाम में रखने छो कदम
ते आवो आवो हो बम
रौदी फौदी के नै करो गम
जोगी जोगो के रक्खो दम
रस्ता में देथोन काम
नै ते देभो पेट्कुनिया पारी
कांवरो लगे लगथों भारी
हम्में छिकए जुगाड़ गाड़ी
डरै के की बात छै
बिहार नै छै आवे बदनाम
श्रावणी माह में यहे धरती
लगै छै नेपाल आरो आसाम
जघ्हे जघ्हे चढ़लो रहै छै हंडी
ठूसी ठूसी बसो में आवे छै झाड़खंड़ी
बनी के लाट ठाट बाट से
चलो जुगाड़ गाड़ी से घाट
सतरंगा कांवर खरीदी ले
मिलथों रस्ता में सगरो हाटे हाट
पैसे हसोतै में लगलो रहै छै सब व्यापारी
हम्में छिकए जुगाड़ गाड़ी
No comments:
New comments are not allowed.