Angika Kavita | अंगिका कविता
सही-साधी | Sahi-Sadhi
अरूण कुमार पासवान | Arun Kumar Paswan
जे धधाय छै हौ बुतैतै,जानै छियै,धाव,से लगैतै!
लुटेरां जत्ते लूट करे,मतर एक दिन वापस जैतै!
चेचक,हैजा,टीबी,मलेरिया,पोलियो,प्लेग,एड्स,
डेंगू,चिकनगुनिया रोग रंग,कोरोना,सेहो नरमैतै!
बहुत कुछ सही-साधी,जिनगी जियै छै आदमी,
जे भी खड़ा होतै आगू में,आदमी सँ सब सधैतै!
है बात ज़रूर छै,कि घनघोर लड़ाय ठनतै जबे,
आपनो बहुत,अनमोल-धन,ऊ लड़ाय में गमैतै!
मतर जबे उबरी ऐतै,घनघोर विपत्ति सँ आदमी,
आपनो गलती सुधारी के,वें सही रस्ता अपनैतै!
गाछ लगैतै,धरती हरियैतै,बचैतै वें नदी-तालाब!
आदमी के आदमी समझतै,गलती वें नै दोहरैतै!
अरुण कुमार पासवान
04 जून,2020
No comments:
Post a Comment