साक्षारता गीत | अंगिका कविता | सुजाता कुमारी

साक्षारता गीत
अंगिका गीत | सुजाता कुमारी

बाबू हम्मूं पढ़वै हो,तोरो मान बढ़ैभों हो- २ ।

हमरा नय चाही नुग्गा फाटा;
घरो नय मांगभों बड़का टाका।
मांगभों नय कहियो एक्को टकां
हमरा त चाहि खल्ली पटिया,
हम्मु त छेकिहों तोरे बेटिया,
नाय चरैभों पठवा पठिया।
बाबू हम्मूं पढ़वै हो,तोरो मान बढ़ैभों हो- २ ।

भईया साथैं स्कूल जैवै;
स्कूला मॅ हम्मॅ दीदीजी बनवै।
सबकेॅ पढ़ैवै हम्म ककहरा;
छोडवै नय कोनो एक्को खोड़ा।
हम्मु जे छेकिहों तोरे बेटिया;
नाय चरैभों पठवा पठिया।
बाबू हम्मूं पढ़वै हो,तोरो मान बढ़ैभों हो- २ ।

भैया नाकि चलैवै फटफटिया;
माईयो क जे घुमैवै हटिया,
चाट खिलैवै भरी क थरिया।
हम्मु त छेकियों तोरे बेटिया,
नाय चरैभों पठवा पठिया।
बाबू हम्मूं पढ़वै हो,तोरो मान बढ़ैभों हो- २ ।

डॉकटर बनी क रोगी देखवै;
खूब सभ्भे क सेवा करवै।
नय कोय पढ़तय भरलोॅ खटिया
हम्मु त छेकियों तोरे बेटिया,
नाय चरैभों पठवा पठिया।
बाबू हम्मूं पढ़वै हो,तोरो मान बढ़ैभों हो- २ ।

वैज्ञानिक ढ़गों सॅ खेती करवै;
कद्दु लती मॅ ककड़ी तोड़वै,
यामी गाछी मॅ साफली तोड़वै।
माल हमरॉे जईतय हटिया ;
हम्मु त छेकियों तोरे बेटिया,
नाय चरैभों पठवा पठिया।
बाबू हम्मूं पढ़वै हो,तोरो मान बढ़ैभों हो- २ ।

सरंगोॅ देखोॅ जाय छै जहाज ;
पायलोट बनभें त होथौं नाज;
अमेरिका घुमैभों घुमैभों जपान;
सरंगोॅ सॅ देखभो सारा जहांन।
रोजे घुमवोॅ पटना बेतिया
हम्मु त छेकियों तोरे बेटिया,
नाय चरैभों पठवा पठिया ।
बाबू हम्मूं पढ़वै हो,तोरो मान बढ़ैभों हो- २ ।

सुजाता कुमारी : एक परिचय
जन्म - 05 फरवरी 1967

[caption id="attachment_361" align="alignleft" width="300"] सुजाता कुमारी[/caption]

जन्म स्थान- मथुरा साहबगंज, बेलहर ,बांका (बिहार)
माता - श्रीमति पार्वती देवी
पिता - श्री बद्री प्र. मंडल
शिक्षा- एम. ए. : हिन्दी , यू. जी. सी. नेट (हिन्दी)
कार्य- व्याख्यात्री, पी. एन. ए. एन्ड साइन्स- कॉलेज भागलपुर ( बिहार )
रचना प्रसारण- आकाशवाणी भागलपुर (दर्जनाधिक अंगिका कहानी एवं हिन्दी आलेख )
भाषा-सर्वेक्षण कार्यै (कोडिनेटर) - २०१३ ई. अंगिका बोली भागलपुर के शहरी और ग्रामीण क्षेत्र
रचना-हिन्दी तथा अंगिका कहानी (दर्जनाधिक) , टिटभांति रोॅ फूल ( काव्य संग्रह), अंगिका फिल्म(जिसस)का पटकथा लेखन, अंगिका में बाईबिल का अनुवाद, अंगिका शब्द कोश (प्रकाशाधीन), देश के अनेक प़त्र- पत्रिकाओं में रचनाएँ प्रकाशित
सम्मान- समय साहित्य सम्मेलन, विश्व अंगिका महासभा द्वारा ( अंग कोपल सम्मान), विष्णुप्रभाकर प्रतिष्ठान नई दिल्ली द्वारा
संपर्क पता- किलाघाट सराय,पो.- भागलपुर सिटी,जि. भागलपुर(बिहार),पिन न.- 812002,
मो. न.- 7870967698,
ईमेल - sujatakumari1012@gmail.com