अंशऽ बरै छै | अंगिका कविता | कुंदन अमिताभ

अंशऽ बरै छै

— कुंदन अमिताभ —

हल्ला – गुल्ला नै करऽ हो अंशऽ बरै छै
भोकार-ढकार नै पारऽ हो अंशऽ बरै छै ।

जमीनऽ पर नै, रह॑ द॑ तनी देर सपना मं॑
भरम मौसतऽ के देखी तोरऽ अंशऽ बरै छै ।

झरखलऽ जाय छै पर बतलाबै छो चरफरऽ
जंगल मं॑ बस्ती के रफ्तार देखी अंशऽ बरै छै ।

हर बाथै मं॑ पड़ोसी क॑ दोष दै केरऽ खिस्सा
हय रकम सहजैलऽ धात देखी अंशऽ बरै छै ।

इनारा सुखलै ! पीयऽ बस बोतल बंद पानी
देखौसी मं॑ घऽर बिकतें देखी अंशऽ बरै छै ।

मानवता केरऽ सबसं॑ बड़ऽ दुश्मन मानव
टेंगारी आपने गोरऽ प॑ देखी अंशऽ बरै छै ।

Angika Poetry : Ansho Barai Chhai
Poetry from Angika Poetry Book : Dhamas (धमस)
Poet : Kundan Amitabh