बीस अंगिका हाइकु
1)बोली नै भाषा
छै हमरो अंगिका
अंगो के टीका
2)विक्रमशिला,
अजगैबी,मंदार
अंगो के द्वार
3)जेंठा छै केला,
लीची अफराद
बदलै स्वाद
4)लहरावै छै
आमो केरो बगीचा
अंग-अंग में
5)शरतचंद्र
के जेंठा ननिहाल
आदमपुर
6)दानी कर्ण भी
रहै यहीं के राजा
मुस्कावै प्रजा
7)सती प्रथा के
नींव पड़लै यहीं
जनपद में
8)गीतांजलि के
अंश यहीं लिखने
छै टैगोर
9)अंग धरा के
पांव पखारै गंगा
आरो कोशी भी
10)शिक्षा के केंद्र
छिकै भागलपुर
दूर-दूर सें
11)नै अपमान
करो नारी सम्मान
माय समान
12)नै छै अबला
नारियो छै सबला
पूजनीय छै
13)माय के पूजो
होथोंन बरक्कत
बनो सशक्त
14)जत्ते कूदतै
बंदरवा गाछी पे
दर्द भागतै
15)धुडखेल भी
छिकै होली के रूप
चेहरा भूप
16)गंजेरी पीथें
बनै बकबकिया
खोजथों श्रोता
17)जर-जनानी
कानों काटे मर्दो के
आगू वर्दो के
18) हाइकु छिकै
साहित्य के ही विधा
खुब्भे सुविधा
19) सरंगो भेलै
युगो में घर द्वार
जैवो आसान
20) लिखै के आवै
अंजनी के भेले बूध
लिखे छै खूब
अंजनी कुमार शर्मा
Anjani Kumar sharma
Anjani Kumar sharma
No comments:
Post a Comment