हमरौ विनती सुनौ| अंगिका कविता | रामचन्द्र घोष
Hamrow Vinati Sunow | Angika Kavita | Angika Poetry | Ramchandra Ghosh
हे परभु जी !
हमरौ विनती सुनौ !
हमरौ सौंसे गुमान
हमरौ आन बान शान
हमरौ आँखीं के लोरौ में डुबाय दौ !
आपनो करनी करौ झुठ्ठे बखान
हमरा नैं सुहाबै छै
एकरा में हमरो छोटाहापन ही
झलकै छै
आपने सुआरथौ में हर बखत घूमी घूमी
हम्में दिन - रात मरै छी
हय हम्में की करै छी
हे परभु ! हमरा तारौ
ई जंजाल सें उबारौ
हमरौ सौंसे गुमान
हमरौ आँखीं के लोरौ में डुबाय दौ !
खाली आपने कामों करौ हरदम गुणगान
इत्यो टा नैं अच्छा !
हमरौ ई तुच्छ जिनगी हुए
तोरौ इच्छा पूर्ति करौ माध्यम
दा हमरा ई भिक्छा !
हमरौ रूआँ - रूआँ होय जैतै धन्न !
जिनगी में बसतै चरम शांति
हमरौ परानों में दमकतै तोरे परम कांति !
हमरा अँधरौ गुमानों से बचाबो
हमरौ हिरदय - कमल में तों ठाड़ो होय जा !
हमरौ सब्भे गुमान
हमरौ आँखीं के लोरौ में डुबाय दौ !
********** **********
मूल रचना कवींद्र रवींद्र नाथ टैगोर
अंगिका अनुवाद : रामचन्द्र घोष
हमरौ विनती सुनौ| अंगिका कविता | रामचन्द्र घोष
Hamrow Vinati Sunow | Angika Poetry | Ramchandra Ghosh
No comments:
Post a Comment